علي فكرة عادي لما تقدم في وظيفة و تترفض !
بس اللي مش عادي انك متكونش عارف انت بتترفض ليه ؟!
إحنا محتاجين ثورة على بتوع الHR ... الموضوع مش بس كام سؤال بتفننوا إزاي يسألوك بيهم قال يعني بيزنئوك في الاجابة، الموضوع أكبر من كدة بكتير الHR برة في اوروبا و الدول المتقدمة علم بحاله هدفه مش انك تتنطط على اللي قدامك و توصلّه ان انت اليد العليا و ان شغله في ايدك ... طبعا مش كل بتوع الHR كدة في قلة فاهمة شغلها بتراعي ربنا لكن الغالبية لا للاسف 
الهدف من الكلام ده ان برة بيهتموا جدا بتعليم و تدريب موظفين الHR بحيث ان الانترفيو يبقى تجربة ممتعة و مفيدة سواء للمتقدم للوظيفة وا للي بيعمل الانترفيو ... إزاي؟
مفيد للي بيتعمله الانترفيو ان الشخص اللي بيسئلوا الاسئة هدفه ان يظهر افضل ما في الشخص اللي قدامه عايزو يتحدى نفسه في الاجابات عشان يظهر مهاراته و خبراته الموضوع ده مش بيتحقق بانك تزنئوا بالاسئلة و توتره انت كدة بتهدم ثقته بنفسه ... تبريرهم هنا اصلنا بنحطوا تحت ضغط عشان نشوف هيتصرف إزاي أو بنستفزه عشان نشوف ردة فعله، عايز تعرف هيتصرف إزاي تحت ضغط و عايز تشوف ردة فعله اتحداه باختبار او اوصفله حالة و اسأله بذكاء هتتصرف إزاي 
.
الانترفيو مفيد للي بيعمل الانترفيو انه بيقابل شخصيات و أنماط مختلفة من البشر بيقدر من خلال التعامل معاهم يفهم طريقة تفكير كل شخصية و ده بيساعده يختار أسلوب التحدي اللي هيستخدمه في الانترفيو 
.
نيجي لعلاقة الكلام ده بالعنوان اللي فوق عادي فعلا انك تروح انترفيو و تتبهدل و تتمرمط و في الاخر تترفض اشطة بتحصل بس ساعتها من حقك تعرف انت اترفضت ليه عشان لو في عيب ما في شخصيتك او معندكش مهارات معينة تبتدي تصلّح من نفسك و تحاول تكتسب المهارات اللي نقصاك عشان الغلط ما يتكررش و فرصك تتحسن في انك تنجح في أي انترفيو يجيلك بعد كدة.
نداء خاص لكل بتوع الHR انتوا محتاجين تطوروا من اساليبكم و طريقة تفكيركم ... حاولوا تقروا ابحاث و مقالات عن اجدد الوسائل المستخدمة في عمل الانترفيوهات و الاهم ابتدوا ابعتوا Feedback للناس اشرحولهم هما غلطوا في ايه و ناقصهم ايه ... كونوا العامل الايجابي في تجربة الانترفيو لأي باحث عن عمل 
عشان تتابعوا اجدد الوظائف اللي اضافت على موقعنا